LAOAG CITY – Ginutigot ni Police Captain Dionisio Baldillo iti operation section ti PNP-Laoag ti publiko nga agreport a dagus kadakuada no adda dagiti badjao nga agdangran wenno adda ti armas na.
Segun kenni Baldillo, nasken a mapaigetan ti koordinasyon ti City Social Welfare and Development Office ditoy ciudad ti Laoag para iti pannakasolbar daytoy.
Inbatad na nga adda dagiti kameng ti PNP ditoy ciudad nga agtultuloy ti panagpatrolya da ken no adda ti badjao nga agdangran ket agrepsonde dagitoy.
Mainaig iti daytoy, inlawlawag ni Baldillo nga awan ti report seknan iti panagdangran dagiti badjao.
Kabayatanna, iti biang ti Women and Children Protection Desk ket awan pay ti naawat da a report seknan iti maipagarop a panangdangran wenno ti kaadda ti armas dagiti badjao no saan da a makadawat ti tulong manipud kadagiti tattao.
