LAOAG CITY – Immapela ni Police Lt. Col. Joseph Baltazar, ti chief of police ti PNP-Laoag kadagiti commuters a no adda abusado a tricycle drivers ket dagus da nga ireport tapno maaksyunan ti pulisya.
Segun kenni Baltazar, sipud nagtugaw kas hepe ditoy ciudad ti Laoag ket awan met pay ti dimmanon kenkuana a report.
Nupay kasta, immapela daytoy iti publiko ti dagus a panagreport tapno alisto met a masolbar.
Kunana nga addan ti ummuna a ballaag na kadagiti tricycle drivers a saan da nga abuswen dagiti pasaheros da.
Maipalagip nga adda dagiti reklamo seknan iti maipagarop a nangina a singir dagiti sumagmamano a tricycle drivers.
