LAOAG CITY – Kinumpirmaran ni PNP-Laoag a nabayagen a monmonitoren da ti panagtutupada iti Barangay 44, Zamboang ditoy ciudad.
Segun kenni Police Major Adriano Licudan, deputy chief of police ti PNP-Laoag, nasuruken a makabulan a sipsiputan da dagiti natiliw iti panagtutupada ken kada aldaw ti Domingo a maiyus-uswat daytoy.
Inbatad na a ti lugar a nakatiliwan dagiti lallaki ket isu a kanayun ti pakaiyus-uswatan ti nasao nga iligal nga aktibidad.
Kunana a ti naitaray nga ospital ket addan iti kustudiyar ti PNP ken dagiti dua a nakalibas ket mairaman a mapilaan ti kaso.
Immapela met daytoy iti publiko nga agsardeng da iti iligal a panagtutupada da.
Maipalagip a natiliw dagiti 12 a lallaki manipud iti nagduduma a barangay ditoy ciudad ti Laoag kabayatan ti naiyuswat nga operasyon ti PNP.
