LAOAG CITY – Pinalagipan manen ni Pol. Lt. Col. Amador Quicho, chief of police ti Laoag ti publiko manaig kadagiti maiparit a maitugot kadagiti kamposanto kabayatan ti pannakalagip kadagiti minatay.
Segun kenni Quicho, karaman kadagiti maiparit ket ti natadem a banag, nasanger a mainom, ken dagiti natatagari kas iti radyo wenno videoke.
Inlawlawag na a dagiti nakainom ti nasanger ket mapalubusan a sumrek kadagiti kamposanto ngem nasken a saan a mangriribok.
Kabayatanna, inpasigurado na a malaksid kadagiti pulis a maiwaras kadagiti kamposanto ket adda da pay dagiti force multipliers a kabadangan da para iti pannakaipaay ti seguridad kadagiti maseknan.
