LAOAG CITY – Inbatad ni Police Lt. Col. Joseph Baltazar, ti chief of police ti Philippine National Police ditoy ciudad ti Laoag a manarimaanen ti pannakikoordenar da kadagiti barangay officials ken force multipliers para iti deployment dagiti personnel iti Semana Santa.
Segun kenni Baltazar, naiget ti panagmonitor da nangruna kadagiti paggaadoan ti tattao kas iti simbaan ken pagpipiknikan.
Inlawlawag na a kadua da ti City Disaster Risk Reduction and Management Office ditoy ciudad ti Laoag para iti panagmonitor da kadagiti pagdidigusan.
Kunana a masapol a dagiti opisyal ti barangay ket nakammonitor iti 24 nga oras iti masakupan da a lugar.
Innayon na a nakadeploy metten dagiti traffic enforcers ditoy ciudad para iti panagisistir da kadagiti rumuar ken sumrek a motorista ditoy ciudad ti Laoag.
