LAOAG CITY – Nagpositibo ti gunpowder nitrates ni PO2 Ganee Martin, agtawen ti 36, naasawaaan, PNP member ti Provincial Mobile Force Company, Ilocos Norte Police Provincial Office, ken residente ti Brgy. Manalpac iti ili a Solsona.
Daytoy ti resulta ti naiyusuat a paraffin examination kontra kenkuana babaen ti Ilocos Norte Provincial Crime Laboratory Office.
Nag-negatibo met ti resulta ti nasao met la nga eksaminasyon kada Ryan Mariano, Ferdinand Domingo, Billy Baysac ken Stephen Guillermo Jr, agpapda a residente iti Brgy. Guerrero iti ili ti Dingras a kinadua ni Martin idi napan iti kamposanto a nagpappaputukan na ti paltog.
Nupay kasta, segun ken ni P/S/Insp. Christopher Malanum, Deputy Chief of Police ti ili ti Dingras , sabali dagiti napidot a kapsula ti paltog iti nakapasamakan ti panagpappaputok gapu ta daytoy ket kapsula ti Caliber 40 a klase ti paltog.
Kuna ni Malanum a gapu iti nasao pasamak ket nagkiddaw da para iti posible a pannakaipadalan na ti cross matching examination dagiti uppat a kapsula ti caliber 40.
Maipalagip a ti insuko ni Martin ket ti service fire arm na a caliber 9 mm a paltog idi nagresponde dagiti pulis iti nakapasamakan ti panagpappaputok na.
