LAOAG CITY – Inrakurak ti Malakanyang a naestablisaren ti Philippine National Police (PNP) ti possible a source iti deepfake audio ni Presidente Ferdinand Marcos Jr.
Iti report ni Philippine National Police (PNP)spokesperson P/Col. Jean Fajardo iti Malakanyang, inbatad na a nestablisar dan ti possible a source ti deepfake technology a nangusar ti boses ni Presidente Marcos.
Inlawlawag ni Fajardo nga iti agdama ket im-imbestigaren da ti kinalawa ti nasakupan ti nasao a source.
Indaulwan ti Philippine National Police Anti-Cybercrime Group (ACG) ken Department of Information and Communications Technology (DICT) ti imbestigasyon seknan iti deepfake audio recording ni Presidente Marcos a maibilang a maysa a malisyoso, manipulative ken edited a materyal usar ti artificial intelligence (AI).
Iti agdama ket naikkaten ti Anti-Cybercrime Group deepfake audio.
Inlawlawag ni Fajardo a ti role ti Philippine National Police iti imbestigasyon ket iti technical aspect a gagem na a maestablisar ti possible a lokasyon wenno naggapwan ti deepfake audio.
Inpasigurado ni Fajardo nga agsungbat dagiti tattao nga adda iti likudan ti deepfake audio.
Immunan nga inbilin ti Department of Justice (DOJ) ti National Bureau of Investigation (NBI) a pagsungbaten dagiti indibidual nga adda ti pakainaigan na iti deepfake audio ken mapilaan ti maiyannatop a kaso dagitoy.
Kabayatanna, nagballaag ti Presidential Communications Office (PCO) iti panagraira dagiti malisyoso a materials iti social media platforms.
