LAOAG CITY – Nagkedked ti Philippine National Police (PNP) nga agkomento iti maipagarop a kiddaw ni Senador Ronald dela Rosa nga agtalinaed iti Camp Crame kalpasan ti shooting incident iti Senado idi Miyerkules, Mayo 13.
Immunan nga inbutaktak ni Senate Acting Sergeant-at-Arms Mao Aplasca a maipagarop a kiniddaw ti senador ken ni Philippine National Police chief Gen. Jose Melencio Nartatez Jr. no mabalin nga agtalinaed daytoyo iti maysa a kwarto iti national police headquarters.
Segun ken ni Philippine National Police spokesperson Brig. Gen. Randulf Tuaño, iti agdama ket awan paylaeng ti maikomento da iti nasao nga isyu.
Iti agdama, maibilang a wanted iti International Criminal Court (ICC) ni dela Rosa kas co-perpetrator iti crimes against humanity nga adda ti pakainaigan iti war on drugs ti napalabas a Duterte administration.
Maipalagip a nagserbi kas Philippine National Police Chied ni dela Rosa manipod 2016 agingga iti 2018.
