LAOAG CITY – Naiget ti ipapaay a seguridad dagiti kameng ti Philippine National Police (PNP) ditoy ciudad ti Laoag kadagiti lugar a pakaiyuswatan iti Region 1 Atletic Association (R1AA) a mangrugi ita nga aldaw, Marso 6, 2019.
Daytoy ti inpasingked ni Police Chief Inspector Adriano Licudan, ti deputy chief of police ditoy ciudad ti Laoag.
Inbatad ni Licudan nga amin a lugar nga ayan dagiti delegado iti R1AA ket adda dagiti kameng ti pulisya nga agbanbantay.
Gagem ti nasao nga addang ket tapno masigurado a natalged dagiti atleta iti R1AA.
Kabayatanna, nakasagana aminen dagiti paramedics team ken dagiti ambulansya no bilang adda dagiti atleta a nasken nga asikaswen wenno agkasapulan ti tulong da.
