LAOAG CITY – Naiget ti panagbantay ken panagmonitor dagiti kameng ti Philippine National Police (PNP) ditoy ciudad ti Laoag iti pannakaiyuswat ti night market iti sango ti kapitolyo probinsyal.
Daytoy ti inbatad ni Police Lt. Col. Rafael Lero, ti chief of police ditoy ciudad ti Laoag.
Inlawlawag ni Lero nga aniaman ti panawen ket agtalinaed latta dagiti kameng ti pulisya iti lugar tapno masigurado a masurot ti health protocols.
Innayon na a masapol nga itultuloy dagiti mapan maki-night market a surutek dagiti minimum health protocol kangrunaan na ti social distancing gapu natudyon dagiti tattao iti panagsuot ti face mask.
Mangrugi ti night market iti oras ti alas-kwatro ti malem ken agpatingga iti alas-nuebe iti rabii.
Naamoan a dagiti napalubusan nga aglako iti night market ket addaan da amin ti negatibo nga antigen wenno RT-PCR test.
