LAOAG CITY – Inpakaammo ni Police Lt. Col. Joseph Baltazar, ti chief of police ditoy ciudad ti Laoag nga addan dagiti agbanbantay a kameng ti pulisya kadagiti sumagmamano a barangay ditoy ciudad a nabara para iti mapaspasangasangan a Barangay ken Sang Kabataang Elections a maiyuswat intono Oktubre 30 ita a tawen.
Karaman ditoy ket iti Barangay Buttong, Barangay Calayab ken dadduma pay.
Mainaig iti daytoy, inpalgak ni Baltazar kadagiti kandidato para iti Barangay ken Sang Kabataang Elections a pulitika laeng daytoy ken saan da koma a personalen.
Inbalakad na a ti koma kasayaatan nga aramiden dagiti kandidato ket tutukan ken ipamaysa da ti mangkumbinsir kadagiti botante tapno isuda ti botosan da intono kaaldawan ti eleksyon.
Innayon na a pagtalinaeden da koma ti napintas a langen-langen da gapu ta kalpasan ti eleksyon ket isudan to latta ti agpupulapol.
Immunan nga inrakurak ni Baltazar a nakaruaren ni Mr. Lincon Bonoan iti Barangay 50, Buttong kalpasan a nakapagpiyansa iti tallo ribo a pisos gapu iti kaso na a less serious physical injury.
Namonganay iti kaso ni Bonoan kalpasan a maipagarop a Kagawad Danny Juan kalpasan a nagririri da iti kalaban da a grupo kabayatan ti umuna nga aldaw ti kampanya iti Barangay Buttong ditoy ciudad idi huwebes, Oktubre 19.