LAOAG CITY – Inbatad ni Police Lt. Col. Randy Baoit, ti panakangiwat ti INPPO nga agtultuloy ti naiget panagmonitor ti kapulisan para iti panangsarabo ti baro a tawen.
Segun kenni Baoit, adda pay dagiti agpatparolya a mangkitkita kadagiti mailaklako a paputok.
Kunana a ditoy Ilocos Norte ket umabot iti 44 a retailer ken dua a dealer iti paputok.
Inlawlawag na a saan unay nga ado ti aglako ti paputok ita a tawen gapo pay laeng iti epekto ti pandemya.
Mangnamnama met daytoy nga awan ti mapaspasamak a saan a nasayaat nga adda ti pakainaigan na iti paputok kabayatan ti panangsarabo ti baro a tawen.
Mainaig iti daytoy, kuna ni Baoit a pakairamanan kadagiti lugar ditoy Ilocos Norte a saan nga aglako ti paputok ket iti ciudad ti Batac ken iti ili ti Solsona.
