LAOAG CITY – Naka-full alert ti Philippine National Police (PNP) intono semana santa.
Daytoy ti inpakaammo ni Police Lt. Col. Joseph Baltazar, ti chief of police ditoy ciudad ti Laoag.
Inlawlawag ni Baltazar a no nakafull-alert ti nailian a pulisya ket awan dagiti personnel a mabalin nga agbakasyon wenno uray agday-off.
Inbatad na a gagem daytoy nga addang da ket tapno masigurado ti kinatalged ken seguridad dagiti tattao kadagiti masakupan da a lugar.
Manamnama nga iti daytoy semana santa ket agturong dagiti ado a bakayunista ken turista ditoy probinsya.
