LAOAG CITY – Nakasaganan ti Philippine National Police (PNP) iti posible nga epekto ti Super Typhoon Uwan iti tulong t panangibakwit ken panangisalakan nangruna kadagiti lugar a nakaro a maapektaran.
Kagiddan ti pammilin ni Presidente Ferdinand Marcos Jr. ken ti panangbayabay ni Interior and Local Government Secretary Jonvic Remulla Jr., ti Philippine National Police ket nakikoordinar kadagiti lokal a gobierno ken disaster response agencies tapno masigurado ti kinatalged ken seguridad dagiti komunidad.
Inkabil ni Acting Philippine National Police Chief Police Lieutenant General Jose Melencio Nartatez Jr. iti full alert dagiti amin nga yunit ti pulisia iti intero a pagilian ken nabilin isuda a suportaran dagiti lokal nga otoridad iti panangiwayat kadagiti preemptive ken mandatory evacuations.
Naammoan a dagiti disaster response team ti pulisia ket na-activate kadagiti amin a rehion a nakikoordinar iti “round the clock” iti Armed Forces of the Philippines (AFP), Philippine Coast Guard (PCG) ken Bureau of Fire Protection (BFP) nga agmonitor iti situasion.
