LAOAG CITY – Nakairekord ti Philippine National Police (PNP) ti pakabuklan nga 414 a fireworks-related injuries iti intero a pagilian iti panangsarabo ti baro a tawen.
Daytoy ket basar iti kaudian a datos nga inparuk-at ti Philippine National Police iti oras ti alas-tres ti malem idi kalman, Enero 1, 2026.
Basar iti datos, nakairekord ti:
National Capital Region Police Office (NCRPO) – 62
PRO Western Visayas – 59
PRO Cagayan Valley – 52
PRO Bicol Region – 49
PRO Central Luzon – 47
PRO Central Visayas – 32
PRO Soccsksargen – 23
PRO Ilocos Region – 22
PRO Cordillera Administrative Region (CAR) – 21
PRO Mimaropa – 15
PRO Calabarzon – 13
PRO Eastern Visayas – 6
PRO Northern Mindanao – 6
PRO Zamboanga Peninsula – 5
PRO Caraga – 2
Inbatad ti Philippine National Police a ti nakasugatan dagiti biktima ket manipod iti agarop 984 firecracker ken ti pyrotechnic device.
Kabayatanna, adda met ti 29 nga indibidual ti pakabuklan a naarestar ti Philippine National Police gapu iti illegal a paputok ken pyrotechnic devices manipod iti:
PRO Eastern Visayas – 16
PRO Central Visayas – 3
PRO Davao Region – 3
NCRPO – 2
PRO Bicol Region – 2
PRO Zamboanga Peninsula – 2
PRO Calabarzon – 1
Nakakumpiskar met ti Philippine National Police ti 99,712 a pedaso ti maipawil a paputok ken pyrotechnic devices iti panangsarabo ti baro a tawen.
