LAOAG CITY – Inrakurak ti Philippine National Police nga umabot iti nasurok a P20 billion a balor ti illegal a droga ti nakumpiskar da ita a tawen.
Iti statement, kuna ni Philippine National Police Chief Police General Francisco Marbil a ti nakumpiskar nga illegal a droga iti babaen ti gobierno ni Presidente Ferdinand Marcos Jr. ita a tawen ket ngimmato ti 101-percent no ikompara idi 2023.
Inpakaammo ni Marbil nga adda ti insayangkat ti nailian a pulisya nga 46,821 anti-drug operations a nakaarestaran ti 57,129 nga indibidual ita a tawen.
Inpetteng ni Marbil a ti administration ket nakatutuk kadagiti high-value individuals kagiddan ti panangipasigurado da ti pannakaprotehir ti human rights ken due process a nagresulta ti pannakakumpiskar ti agarop 8 a metriko tonelada nga illegal a droga no ikompara ti agarop a 2 a metriko tonelada iti napalabas a tawen.
Karaman kadagiti nakumpiskar nga illegal a droga ket ti shabu, marijuana, ecstasy, cocaine, ketamine, ken kush.
