LAOAG CITY – Nakasagana ti PNP Prov’l Office a mangted iti aniaman a kiddawen ti PNP Nat’l Headquarters nga impormasyon seknan iti “war on drugs” a kayat ni Sen. Richard “Dick” Gordon a paimbestigaran.
Daytoy ti inbatad ni PNP Prov’l Dir.P/Sr/Supt. Jose Melencio Nartatez Jr.
Segun ken ni Nartatez, naka-“file” ken naka-“data base” amin a mapaspasamak ditoy probinsiya isu a siasinuman ti agdamag wenno agkiddaw ket maipakita weno maited da nga insigida.
Maipalagip a sipud narugian ti laban kontra illegal a droga ti PNP, adda 4 nga operasyon nga inaramid ti pulisya ti probinsiya a no sadinno a nga 6 a drug personality ti natay.
