LAOAG CITY – Inpasingked ni Provincial Director Police Senior Supt. Cesar Pasioeng a nakasagana da a tumulong ti Philippine Drug Enforcement Agency (PDEA).
Daytoy ket no ipilaan ti PDEA ti kaso dagiti opisyal ti barangay ditoy probinsya nga adda ti narco-list ti ahensya a naiparuk-at laeng itay kallabes.
Immuna ti daytoy, naipublikar ti narco-list ti PDEA mainaig kadagiti barangay officials nga involved iti illegal a droga ken karaman ditoy ti barangay kagawad iti Barangay Cabaroan iti ili ti Piddig ken iti Barangay Poblacion 2 iti ili ti Nueva Era.
Nupay kasta, agpada nga inpasingked dagiti maseknan nga opisyal ti barangay a nabayagen a tinallikudan da ti panagus-usar da ti droga.
Inbalakad met ni Basioeng kadagiti maseknan nga opisyal ti barangay nga agkunsultar da laengen ti abogado.
