LAOAG CITY – Naan-anayen a nakasagana ti Philippine National Police (PNP) iti panangipaay na ti seguridad iti panangrugin ti campaign period para kadagiti senatorial candidates ken party-list groups ita nga aldaw, Pebrero 11.
Daytoy ti inpasigurado iti publiko ni Philippine National Police spokesperson Police Brigadier General Jean Fajardo
Kuna ni Fajardo a namnamaen ti security coverage ti nailian a pulisya kadagiti lugar a pagturungan dagiti kandidato para iti panagkampanya da.
Immunan nga inbilin ni Philippine National Police Chief Police General Rommel Marbil ti maximum police deployment, kangrunaan na dagiti lugar a maibilang kas election areas of concern.
