LAOAG CITY – Inpasigurado ni Police Col. Cristopher Abrahano, ti Provincial Director ti INPPO a nakasaganan ti kapulisan para iti simultaneous deployment para iti implementasyon ti Modified Enhanced Community Quarantine (MECQ) ditoy probinsya a mangrugi intono bigat, Agosto 1 agingga intono 15, 2021.
Segun kenni Abrahano, addan ti pinal a koordinasyon na kadagiti amin a chief of police ti PNP ditoy probinsya para iti daytoy.
Inbatad na nga adda ti agbantay a pulis iti kada entry ken exit point iti kada ili tapno manonitor dagiti rumuar ken sumrek.
Kunana a kadagiti met nakalockdown nga istasyon ti pulisya, adda ti augmentation troops manipud iti INPPO ken PRO 1.
Inlawlawag na a nagkiddaw da kenni Regional Director Gen. Peralta ti nayun a kameng ti pulisya ken pinatgan met daytoy ti opisyal ken mayur-uray laeng ti resulta ti swab test dagitoy tapno maideploy iti nagduduma a lugar ditoy probinsya.
Inpasigurado na a saan met a maapektaran ti police operations.
Mainaig iti daytoy, kunana a kadagiti met barangay ken kas iti nailanad iti EO ni Gov,Matthew Marcos Manotoc, adda met ti maestbalisar a checkpoint ken tumulong met laeng dagiti kameng ti PNP.
Nagpanawagan met daytoy iti publiko a sumurot kadagiti pagannurutan.
