LAOAG CITY – Nakasaganan ti Philippine National Police (PNP) para iti panangrugi ti panagipila ti Certificate of Candidacy (COC) inton bigat, Oktubre 1.
Segun ken ni Philippine National Police Chief, Police General Rommel Francisco Marbil, makikomunikarda kadagiti nagduduma nga ahensia ti gobierno mainaig iti daytoy ta0no masiguro ti link, urnos ken talna.
Mainaig iti daytoy, naiget a binilin ni Marbil dagiti personnel na nga ipamaysada ti seguridad ti publiko ken taginayon ti integridad iti mapaspasangasangan nga eleksion.
Kiniddawna pay kadagiti polis a saanda nga agbalin a bulsek iti impluensia ti politika ken agtalinaedda a neutral.
Maipalagip nga inmunan nga inpakaammu ti Commission on Elections (COMELEC) nga agpaut agingga Oktubre 8 ti panagipila ti kandidatura para iti 2025 Mid-Term Elections para iti national ken local level.
