LAOAG CITY – Nakasaganan ti Philippine National Police (PNP) iti intero nga Ilocos Norte para intono undas.
Daytoy ti inbaga ni Police Lt. Col. Paul Parado, ti mangidadaulo iti Provincial Operation Management Unit iti Ilocos Norte Police Provincial Office (INPPO).
Inlawlawag ni Parado nga idi martes ket nagsasarita da kadagiti chief of police ken officer-in charge iti intero a probinsya mainaig iti pannakaiwaras dagiti kameng ti pulisya tapno agbantay kadagiti kamposanto.
Inbatad na a binalakadan na metten kadagiti chief of police iti nagduduma nga ili ken ciudad a planwen dan a naimbag ti schedule a papan dagiti residente manipod iti nagduduma a barangay iti kamposanto.
