LAOAG CITY – Nakatutok ti Philippine National Police (PNP) iti imbestigasion seknan iti kinasiasino ti hitman a binilin ni Bise Presidente Sara Duterte, a mangpapatay ken ni Presidente Ferdinand Bongbong Marcos Jr., 1st Lady Liza Marcos ken House Speaker Martin Romualdez no inkaso a mapapatay isuna.
Ngem segun ken ni Duterte, saan a direkta a pangta daytoy ken iyarigna iti immuna idi a pangta na a kalienna ti bangkay ni dati a Presidente Ferdinand Marcos Sr. ken ibellengna iti West Philippine Sea, saan na a kayat a sawen nga aktual nga aramidenna.
Kabayatanna, inlawlawag ni Criminal Investigation and Detection Group (CIDG) Director PBGen. Nicholas Torre III a ti direktiba ni Philippine National Police Chief Gen. Rommel Francisco Marbil nga imbestigaran ti insidente ken saan a ti bise presidente.
Iti agdama, segun ken ni Torre, rinugianen ti Criminal Investigation and Detection Group ti motu propio investigation da iti nasao nga insidente.
