LAOAG CITY – Nangipaay ti Philippine National Police (PNP) ti pakabuklan a P9.2 million a cash reward iti 21 confidental informants a nangipaay ti impormasion a makatulong ti pannakaarestar iti 21 a wanted person iti nagduduma a paset ti pagilian.
Suot ti full-face masks para iti seguridadda, inawat dagiti impormante ti cash reward iti maysa a seremonia nga idandaluloan ni Philippine National Police Chief Gem. Jose Melencio Nartatez Jr. ken dadduma pay nga opisial ti Camp Crame, Quezon City.
Inbatad ni Nartatez a manipud iti intelligence fund ti PNP dagiti reward nga inaprobaran ti Department of the Interior ken Local Government (DILG) ti panangilatang dagitoy.
Basar iti Philippine National Police (PNP) , P2.99 million ti nailatang para iti pagkaarestar iti pito a wanted iti kaso a murder ken P840,000 ti naipaay para iti pagkaarestar iti innem a wanted iti kaso a rape.
Innayonna pay a ti P1.35 million a pisos ti nailatang para iti pannakaarestar iti dua a wanted iti syndicated estafa ken P245,000 para iti dua nga akusado iti panaglabsing iti Republic Act 7610 wenno Special Protection of Chilldren Against Abuse, Exploitation and Discrimination Act.
Umabot iti P765,000 a reward para iti pannakaarestar iti maysa a wanted iti panaglabsingna mainaig ti illegal a negosio ti bomba ken paltog iti babaen ti Republic Act 9516 ken Republic Act 10591. Naipaay met ti P250,000 para iti maysa a wanted iti kaso a robbery with multiple homicide.
Mainaig iti daytoy, iti babaen ti joint order ti Department of National Defense ken Department of the Interior and Local Government a P2.83 million a pisos ti nailatang para iti pannakaarestar iti dua pay a maipagarup a miembro ti communist terrorist group a wanted iti kaso a murder.
Impasigurado ni Nartatez a maitutop iti linteg ti amin a naiyuswat a pag-arestar ti Philippine National Police.
Kabayatanna, inbatad ni Nartatez nga adda dakkel a posibilidad nga adda paylaeng ti Pilinas ni gaming tycoon Atong Ang, ti maitudtudo a mastermind ti pannakapukaw, panag-kidnap ken panagpatay iti 34 a sabungero.
Maipalagip a napilaan ni Ang iti non-bailable charges a kidnapping kn serious illegal detention. Nangidiaya dagiri otoridad ti P20 million a reward para iti impormasion a mangiturong iti pannakaarestarna. Kabayatanna, 20 iti padana a akusado ti addan iti kustodia ti gobierno.
