LAOAG CITY – Napadayawan ti PNP iti ili ti Nueva Era kas “Best Police Station” iti intero nga Ilocos Norte.
Daytoy ti inpanakkel ni Police Lt. Tolentino Erum, ti chief of police iti nasao nga ili.
Segun ken ni Erum, ti nasao a pammadayaw ket aggapo iti National Police Commission (Napolcom).
Nagyaman met ni Erum kadagiti residente iti ili ti Nueva Era gapu ta babaen iti kooperasyon ken pannakitinnulong da kadakuada a kameng ti PNP ket nagund-od da ti nasao a pammadayaw.
Mainaig iti daytoy, inpakaammo ni Erum a damo ti imatmatunan na a police station ti makaawat ti nasao a pammadayaw.
