LAOAG CITY – Target ti liderato ti Philippine National Police a palawaen pay dagiti isaysayangkat da nga operasyon kontra iti smuggling ita a tawen.
Iti maysa nga statement, inpetteng ni acting Philippine National Police Chief, Police Lieutenant General Jose Melencio Nartatez Jr. a ti addang ti nailian a pulisya ket maiyadatay iti direktiba ni Presidente Ferdinand R. Marcos Jr. a protehiran ti ekonomiya ti pagilian, ken uray ti pagbiagan ti tunggal Pilipino.
Mamati ni General Nartatez Jr. a ti smuggling ket isyu met maipapan iti hustisya para kadagiti napudno a Pilipino ken saan laeng a maipanggep kadagiti maipatpatungpal a linteg.
Basar iti datos ti Philippine National Police, umabot iti agarop ₱5 bilyon ti balor dagiti kontrabando a nakumpiskar da idi 2025.
Manipod iti nasao a kantidad, umabot iti P4.3 billion ti naggapo kadagiti nakumpiskar nga smuggled a sigarilyo.
Malaksid iti daytoy, ti nabatbati a kantidad ket iti petroleum, agricultural products ken counterfeit goods.
Nakaarestar met ti Philippine National Police ti uamb-abot iti 2,216 nga indibidwal mnipod kadagiti insayangkat da nga operasyon .
