LAOAG CITY – Agsagsaganan ti Philippine National Police (PNP) tapno sangwen dagiti baro a karit iti midterm elections, karaman ditoy ti misinformation ken ti electronic vote-buying.
Daytoy ti inrakurak ni Philippine National Police chief Gen. Rommel Francisco Marbil.
Segun ken ni Marbil, agtinnulong ti Philippine National Police ken ti Commission on Elections (Comelec) tapno trataren ti vote-buying iti babaen ti e-wallets kas paset ti panangikarkarigatan ti organisasyon tapno solusyunan dagiti tradisyunal nga isyu ti “guns, goons, and gold” iti biang ti pulitika iti Pilipinas.
Kuna a dati ket tallo laeng a G ti tututukan da, ngem ita ket nanayunan ti maysa nga F a daytoy ket ti fake news.
Inpetteng pay ni Marbil nga anupen ti Philippine National Police ken military personnel dagiti mairaman iti panangsuporta kadagiti politiko, kas paset ti kampanya na kontra iti “goons.”
Idadaulwan pay ti Philippine National Police iti Comelec checkpoints tapno ipatungpal ti gun ban iti kangitingitan ti election period.
Malaksid iti daytoy, naibilin pay iti Criminal Investigation and Detection Group (CIDG) a paigetan ti operasyon kontra iti loose firearms.
