(Update)LAOAG CITY – Isagsaganan ti PNP-Pasuquin ti kaso a maipila kontra iti driver ti isuzu forward truck a nakadinnungpar dagiti nakalugan iti motorsiklo a bisita ditoy Ilocos Norte gapu ta “riders” dagitoy ken napasamak iti paset ti Bgy. Davila ti nasao nga ili.
Segun ken ni P/C/Inps. Roldan Suitos, Chief of Police ti nasao nga ili. “reckless imprudence resulting to homecide, resulting to serious physical injury ken damage to property ti ipila da a kaso kontra ken ni Rodel Austria y Jose, agtawen iti 28, addaan ti asawa, residente iti Brgy 19 Barbarangay, Banna, Ilocos, driver iti Isuzu Forward Truck.
Daytoy ket kalpasan a pimmusay ni Monchrist Estipular y Santos, agtawen ti 31 baro, collector ti Home Credit, residente iti Paco Manila idinto a nasugsugatan met ti inlubong na a ni Rachzuel Correa y Magno, agtawen ti 34 balasang, ken residente iti Baclaran, Paranaque idi maaksidente dagitoy.
Kuna ni Suitos nga addan dagiti pamilya iti agsumbangir a partido ngem saan da pay a nakapagsasarita.
Nupay kasta, kuna na nga ipilada lattan ti nasao a kaso ket addanto dagiti maseknan no agsasarita da.
Maipalagip a manarimaan nga agpapaabagatan a direksiyon dagiti dua nakalugan da iti motorsiklo idi ta adda ti inovertaken da a lugan, apagiso nga adda aso iti tengnga ti kalsada a nakadungparan da iti daytoy ket simalpok iti makasabat da a truck.
Iti agdama, adda pay laeng iti hospital ti nailubbon idinto a nagtalinaed iti kustodyar ti pulisya ti PNP ti driver ti truck.
