LAOAG CITY – Linawlawagan ni Police Captain Rudy James Jacalne, ti chief of police ti Philippine National Police iti ili ti Piddig ti nagwaras a video a nakairamanan dagiti agama ken maysa a kameng ti pulisya it Barangay Loing.
Segun kenni Jacalne, iti parbangon ti Oktubre 29 ket nagkamang kadakuada ti asawa ti agnagan ni Janwill Lazaro Hernaez gapo ta maipagarop a kabkabilen na nasao a babai.
Dinakamat na a basar iti palawag ti babai, agin-inom dagiti agama idi maipagarop a kinabil ni Janwill ti maseknan a nangitunda kenkuana a nagreport iti pulisya.
Inbatad na nga iti panagresponde da ket ditoyen a napasamak ti komosyon.
Kunana a kalpasan daytoy ket nagturong met laeng iti kwesrpo ti pulisya ni Janwill ken ti anak na ken nagpakawan dagitoy.
Mainaig iti daytoy, inbatad na a napan met nagpamedical ti babai ken urayen da ti resulta para iti sumaruno nga addang da ken kinasarita na ti babai no anya ti plano na.
Gapo iti daytoy, kunana a dagiti dua a karaman iti video ket restricted iti agdama.
Kabayatanna, saan a masungbatan ni Jacalne ti agwarwaras nga impormasyon a maipagarop a love triangle ti rason ti napasamak nangruna ket personal a biag da daytoy.
Innayon na nga inpetteng met kenkuana ti pulis nga awan ti relasyon da iti maseknan a babai.
