LAOAG CITY – Ibilang ni Police Major Jephre Taccad, chief of police ti PNP-Pinili a nasolbaren ti pannakapalto-paltog ni Bienvenido Fernandez iti Barangay Pagdilao iti nasao nga ili.
Daytoy ket kalpasan ti pannakabigbig dan kadagiti suspek kalpasan nga inrakurak a mismo ni Fernandez.
Maipalagip a kabayatan ti panagawid ni Fernandez manipud ti minatayan a magmagna iti paset ti barangay da ket sinaruno dagiti dua a lallaki.
Kalpasan daytoy ket pinlto -paltogan da ti naminlima a daras biktima usar ti maipagarop a caliber 45 a nakatamaan ti bukot ken luppo na.
Iti agdama, manarimaan ti panangiproseso ti PNP iti nasao nga ili ebidensya ken dadduma pay nga dokumento a masapol tapno naan-anay a mapilaan ti kaso dagiti suspek a frustrated murder.
Nupay kasta, nagkedked pay laeng ni Taccad a manginagan kadagiti suspek tapno saan a makalibas.
