LAOAG CITY – Naideklarar kas drug free workplace iti Philippine National Police (PNP) iti ili ti Pinili.
Daytoy ket kalpasan a nagnegatibo amin dagiti kameng ti pulisya iti nasao nga ili iti naiyuswat a surprise drug test.
Segun ken ni Police Capt. Chester Arellano, ti chief of police iti ili ti Pinili, immunan a napadayawan dagiti kameng ti pulisya iti nasao nga ili kas “Deserving Philippine National Police personnel”.
Gapu iti daytoy, manamnama metten ti pannakaideklarar iti ili ti Pinili kas “Drug free municipality”.
Kabayatann, inpasigurado ni Arellano nga agtultuloy ti panangmonitor da kadagiti drug surrenderee iti nasao nga ili tapno masigurado a saan dan a sinublianan ti illegal nga aktibidad da.
