LAOAG CITY – Inasistiran ni PNP Prov’l Office ti biktima ti maipagarup a pananagbuso ken dagiti saksi iti nasao a pasamak babaen ti maitudtudo a suspek a ni Bgy. Bgy. Chairman Ronie Agressor iti Bgy. Cabayo iti ili a Vintar.
Segun ken ni P/C/Insp. Angelito de Juan, Hepe ti Investigation Section ti PNP Prov’l Office, nagkamang ti biktima a ni Mildred Acosta ken dagiti saksi na iti PNP Prov’l Office gapu iti maipapagrup a pannakahar-haras da babaen iti Bgy. Chairman ken uray dagiti sumagmamano a kameng ti pulisya ti nasao nga ili.
Kuna ni de Juan ano adda ti kurang ti palawag dagiti maseknan bayat ti kaadda da iti PNP-Vintar ket gundawayandan ti mangipalawag iti kaadda dan iti PNP Prov’l Office.
Kitkitaen ti pulisya ti kaso nga Acts of Lascivioness a posible a maipila a reklamo kontra ken ni Agressor idinto a kitkitaen da pay ti posible a pakaisaklangan dagiti maseknan a nangbutbuteng iti biktima ken dagiti testigo na.
Mipalagip a napasamak ti insidente iti lugar a pagtrabtrabahuan ti biktima a no sadinno a maipagarup a napan ti Bgy. Chairman bayat nga aggiinum dagiti trabahador ket idi makain-inum, maysa kadagiti trabahador ti nakadalapos a nakadunuran ti saka na ken maipagarup a nagsasao ken nagipangpangta ti kapitan ken idi itulnog ti biktima iti lugan ket dita a napasamak ti maipagarup a panagabusar.
Imun-una a naglikudan ti Kapitan dagiti alegasyon ken nakasagan a sumango ti kaso no ipilaanda.
