Irebisar ti Philippine National Police (PNP) dagiti pagannurutan iti panangdutuk ti police security details tapno masigurado a saan a maus-usar dagiti pulis kas personal a babaunen dagiti pulitiko, negosyante ken dadduma pay nga high-profile personalities a banbantayan da.
Segun ken ni Philippine National Police chief Gen. Jose Melencio Nartatez Jr., karaman kadagiti irebisar da ti regular a monitoring kadagiti pulis a naka-assign kas security personnel tapno masigiraado a dagiti laeng trabaho da a sakupen ti mandato kadakuada ti ar-aramiden da.
Inpetteng n a saan a rumbeng nga usaren dagiti pulis kadagiti personal a trabaho nga awan ti pakainaigan ti panangipaay ti seguridad.
Maisayangkat ti pannakarebisar dagiti pagannurutan iti baet dagiti report nga adda dagiti police security details a maipagarop a mangar-aramid kadagiti trabaho a saan a sakupen ti mandato kadakuada.
Binilin ni Nartatez dagiti police security detail nga agtalinaed iti opisyal a trabaho da ken pagpannurayen ti propesyonalismo ken integridad.
Innayon na a dagiti garaw da ket masapol a nakaibasar iti linteg ken sinpataan da a trabaho ken saan nga iti personal a kiddaw dagiti tattao a protprotehiran da.
