LAOAG CITY -Isagsaganan ti PNP iti ili a San Nicolas dagiti dokumento para ti pannakaipila ti kaso kontra kenni Mr. Gino Saoit y Tomas iti Sitio 6, Barangay 6, San Juan Bautista iti nasao nga ili.
Daytoy ket kalpasan a nakakumpiskar dagiti otoridad iti walo a bala a shotgun ken 3 a bala ti saan pay a naestablisar ti kalibre na a paltog iti balay ni Saoit bayat iti inyuswat da a search operation.
Inbatad ni Police Chief Inspector Paul Benedict Parado, ti chief of police iti ili a San Nicolas, pilaan da ni Saoit ti kaso a panaglabsing iti Republic Act (RA) 10591.
Immunan nga inbatad ni Saoit a planted dagiti naala nga ebidensya kontra kenkuana.
