LAOAG CITY – Inbatad ni PMaj. Joseph Baltazar, hepe ti PNP-San Nicolas a naiget ti pannakamonitor ti garaw dagiti tattao iti nasao nga ili.
Kuna na a daytoy ket patikular iti pannakasurot ti quarantine protocols kabayatan ti pannakaipatungpal ti localized ECQ ditoy probinsya.
Segun ken ni Baltazar, istrikto ti pannakatiliw ken pannaka-isyu ti citation ticket kadagiti aglabsing.
Gapu iti daytoy, inpakaammo na kaaduan kadagiti matiliwan ket dagiti agpatpatnag nga aggi-inom wenno rumuar kabayatan ti curfew hours kasta pay ti saan a panagusar ti face mask.
Basar iti inparuk-at a rekord ti gobierno probinsya mainaig iti panaglabsing ti community quarantine protocols, iti ili ti San Nicolas ti addaan ti kangatoan a bilang ti nalabsing iti uneg ti maysa a lawas.
Umabot iti 42 dagiti natiliw ken namulta nu sadino a 26 kadagitoy ti saan a nagisuot ti face mask idinto a 16 ti naglabsing iti curfew.
