LAOAG CITY – Kinumpirmaran ni Police Staff Sergeant Jose Adap Jr, iti PNP Traffic Division a nakalockdown ti PNP San Nicolas.
Kuna na a nangrugi idi Martes a nakalockdown ti PNP San Nicolas kalpasan a nagpositibo iti antigen test ti agarup isu amin a kameng ti nasao a kuerpo ti pulisya.
Inbatad ni Adap nga awan pay ti iskedyul iti pannakaipadalan ti swab test dagiti maseknan a pulis.
Kabayatanna, inadmitir ni Adap a marigatan da iti panagbantay kadagiti boundary gapu ta dagiti miembro ti Augmentation force ti nakaduty.
