LAOAG CITY – Paigetan pay ti Philippine National Police iti ili ti San Nicolas ti panagbantay da iti pannakaiyuswat ti Damili Festival iti nasao nga ili.
Daytoy ti inbatad ni Police Major Eduardo Santos, ti hepe ti PNP San Nicolas kalpasan nga adda ti report seknan iti napasamak a komosyon idi laeng rabii iti basketball court.
Inbatad na nga awan met ti naireport kadakuada a kastoy a napasamak.
Nupay kasta, inpasigurado na met nga ada dagiti kameng ti PNP a nakabantay iti dayta a gundaway.
Naamoan a manarimaan ti pannakaiyuswa ti semifinals iti basketball tournament a kas paset pay laeng iti panakaselebrar iti piesta ti nasao nga ili.
Mainaig iti daytoy, saan met nga inlibak ni Santos a masansan nga adda ti mapasamak a kastoy a komosyon rason a kallikagum na nga manayonan pay iti maideploy a kameng ti PNP.
Imapela pay ni Santos a liklikan ti publiko ti agpipinnusta no adda ti naiyuswat a laban iti basketball.
