LAOAG CITY – Kinumpirmaran ni Police Major Marlon Padamada, chief of police ti PNP-Sarrat a nagreggaay ti paset ti bantay iti Barangay 18, San Isidro iti nasao nga ili.
Segun kenni Padamada, napasamak daytoy iti oras ti alas-onse idi rabii a nadiskubre dagiti motorista a dagus met a naireport kadakuada.
Inbatad a napasamak ti panagregaay ti daga gapo iti napigsa a tudo a mapaspasaran ita ti porbinsya.
Nupay kasta, inpasingked ni Padamada nga awan met ti napasamak nga insidente gapo iti nagregaay a daga gapo ta saan a nagaburan amin a paset ti kalsada.
Mainaig iti daytoy, nagpanawagan ni Padamada kadagiti motorista a saan unay ng agpatpataray kangrunaan na no agtudtudo tapno maliklikan ti anyaman nga insidente.
