LAOAG CITY – Kinumpirmaran ni Pol. Maj. Marlon Padamada, ti Chief of Police ti PNP-Sarrat a nangbukel da ti investigating team para iti imbestigasyon ti pannakatakaw ti kalding babaen kadagiti suspek a nakalugan ti maysa nga SUV Fortuner.
Kunana a babaen iti CCTV footage, nakita ti puraw nga SUV Fortuner nga awan ti plate number na no kasano a natakaw ti kalding a nakabulos iti ruwar ti Brgy. Hall iti Sitio 6, Brgy. 20, San Jose iti ili a Sarrat.
Mapatta-patta nga agbalor ti 3 ribo a pisos ti nasao a kalding.
Gapu iti daytoy, agtultuloy ti imbestigasyon ti PNP Sarrat ken nakikoordinar da kadagiti dadduma a PNP Stations ken ili para iti pannakabigbig dagiti suspek.
