LAOAG CITY – Kitkitaen ti PNP-San Nicolas dagiti nagduduma nga anggulo seknan iti maipagarup nga aksidente a pannakapaltog ni Windell dela Cruz iti Bgy. 21 ti nasao nga ili ti bagi na a rason iti ipupusay na.
Daytoy ti inbatad ni P/C/Insp. Paul Benedict Guererro, Hepe ti Pulisya ti nasao nga ili kalpasan ti naiyusaat a “case conferecne” idi kalman.
Segun ken ni Parado, awan pay ti panigurado no agpayso nga aksidente a napaltugan ni dela Cruz ti bagi na wenno adda ti nangpaltog kenkuana ken uray ti nakapatay no pen gun wenno paltog a kalibre 22.
Kuna na a maiyur-uray ti resulta ti pharaphine examination ti biktima ken ti agnagan ti Dennis a maipagarup a nangted kenkuana ti pen gun wenno paltog.
Kuna na a saan da met pay a nabirukan ti pen gun weno paltog a maipagarup a naibakal iti kataltalunan kalpaan ti insidente.
Inlawlawag ni Parado nga anianto man ti resulta ti examinasyon ket mabalin a pilaan da ni Dennis iti kaso.
