LAOAG CITY – Naiget ti panagmonitor dagiti kameng ti PNP Solsona kadagiti modified motorcycles nangruna dagiti open muffler wenno dagiti naariwawa a motorsiklo.
Daytoy ti inbatad ni P/Staff Sgt. Mario Errol Tangonan, ti imbestigador ti nasao a pulisya.
Segun kenni Tangonan, pinaigetan da iti pannakasita dagiti motorsiklo nga open muffler ken awanan ti plate number.
Innayon ti opisyal a nakikoordinar da payen kadagiti pagadalan tapno saan a mapalubosan dagiti menor de edad nga agiturong ti motorsiklo iti nasao nga ili.
Gagem ti PNP a mapasardeng dagiti menor de edad nga agiturong ti motorsiklo ditoy probinsya kangrunaan na dagiti addaan iti impluwensya ti nasanger.
