LAOAG CITY – Mamati ni PCol. Ysmael Yu, ti pannakangiwat ti Philippine National Police nga epektibo ni NCRPO chief Debold Sinas a madutukan kas baro a PNP Chief.
Segun ken ni Yu, adon dagiti napintas a naaramidan ni Sinas kangrunaan na iti kampanya kontra iti illegal a droga ken insurhensya.
Inbatad na a nasayaat ken pudno ni Sinas iti serbisyo kas immuna metten nga inpasingked ni Presidente Rodrigo isut gapu na a napili kas baro a PNP Chief.
Mainaig iti daytoy, kuna ni Yu a manamnama nga ituloy ni Sinas dagiti narugyan ti outgoing PNP Chief a ni Gen. Camilo Cascolan.
Daytoy ket pakairamanan ti pannakaipaay kadagiti operational equipments kadagiti nagduduma a PNP stations iti intero a pagilyan.
Innayun na nga itultuloy ni Sinas ti panangpapigsa ti kampansya ti PNP kontra iti iligal a droga, korapsyon ken dadduma pay nga iligal nga aktibidad.
Kabayatanna, kuna ni Yu a nu adda man dagiti kontrobesiya a nakainagan ni Sinas ket saan na a basol dagitoy.
Manamnama nga ita nga aldaw ket maangay ti turn-over ceremony babaen iti panangidaulo ni Presidente Duterte.
