LAOAG CITY – Tumultulong metten ti Philippine National Police (PNP) iti panagimbestigar iti pannakarpuug ti 9-storey bulding iti Angeles City, Pampanga.
Daytoy ket tapno maamoan no ania ti nangitunda ti insidente ken dagiti possible a panaglabsing iti safety ken building regulations.
Segun ken ni Philippine National Police chief General Jose Melencio Nartatez Jr., agtultuloy dagiti maisaysayangkat a rescue operations iti baet ti napeggad a kondisyon gapu kadagiti saan nga stable a debris ken live power lines.
Immunan a nangideploy ti Police Regional Office 3 ti nasurok a 100 a pulis tapno tumulong iti Bureau of Fire Protection (BFP), Armed Forces of the Philippines ken Angeles City Disaster Risk Reduction and Management Office iti isaysayangkat a search and retrieval operations, panangiwanwan ti trapiko ken panangipaay ti seguridad iti lugar.
Basar iti kaudian a report, addan ti uppat a tattao ti kumpirmado a natay iti insidente idinto nga adda pay ti 17 dagiti nagtalinaed a mapukpukaw.
