Inpannakkel ti presidente ti Philippine Olympic Committee a ni Bambol Tolentino nga adda dagiti dadakkel nga sporting events a manamnama a maangay ditoy pagilian.
Mainaig iti daytoy, nabutosan manen ni Tolentino kas presidente ti Philippine Olympic Committee kalpasan a naatiwna ti dati a basketball player a ni Chito Loyzaga babaen iti botos a 45-15.
Kinunana nga ipakita laeng ti resulta ti eleksion nga adu kadagiti miembrona ti agtalek iti liderato na.
Kabayatanna, kayatna a mapagtalinaed ti gold medal hauls dagiti atleta ti pagilian a kas kadagiti atleta ti pagilian a nakisalip iti Paris Olympics ken Tokyo Olympics.
