LAOAG CITY – Inpasigurado ni Department of Labor and Employment (DOLE) Secretary Bienvenido Laguesma a tulunganda dagiti amin a mangmangged a maapektaran ti panagrikep ti operasion dagiti amin a Philippine Offshore Gaming Operators (POGO) iti pagilian.
Segun ken ni Laguesma, mangidiaya ti trabaho ken livelihood programs dagiti Philippine Offshore Gaming Operators workers a maapektaran ti ban.
Kunana a mabalinen a makikoordinar kadakuada dagiti nasao a Philippine Offshore Gaming Operators workers, mangrugi ita a lawas.
Malaksid daytoy kadagiti intervention nga ar-aramiden ti Department of Labor and Employment nga adda ti pakainaiganna iti upskilling, retraining, livelihood program, ken panangisayangkat ti ispesiko a jobs fair para iti local ken overseas employment.
Mangisaysayangkat metten ti Department of Labor and Employment ti profiling kadagiti naapektaran a Philippine Offshore Gaming Operators workers tapno maammoan dagiti trabaho a mayat para kadakuada.
Kinumpirmaran ni Laguesma nga adda ti 79 nga internet gaming licenses, dumanon iti 28 Philippine Offshore Gaming Operators firms nga adda iti National Capital Region (NCR) ti nangipaay ti listaan kadagiti mangmangged.
Inlawlawagna a masansan a dagiti trabaho nga ig-iggeman dagiti maseknan a mangmangged ket adda ti pakainaiganna iti encoding, information technology, administrative, finance ken dadduma pay.
Naammoan a dagiti sumagmamano a target-da nga ipaay kadagiti Philippine Offshore Gaming Operators workers ket adda iti industria ti Business Process Outsourcing (BPO).
Maipalagip nga iti State of the Nation Address (SONA), inbilin ni Pres. Ferdinand Marcos Jr. ti pannakai-ban kadagiti amin nga operasion ti Philippine Offshore Gaming Operators iti pagilian gapu iti pannakairamraman dagitoy iti scamming, money laundering, prostitution, human trafficking, kidnapping, torture, murder ken dadduma pay.
