LAOAG CITY – Napalalo ti ragsak ken panagyaman ni Police Lt. Col. Rafael Lero, ti chief of police ditoy ciudad ti Laoag gapu ta isuna ti napili kas Best Chief of Police iti rehiyon uno.
Inbaga ni Lero a napadayawan daytoy kabayatan ti maika-55 nga anibersaryo ti National Police Commission iti babaen ti virtual.
Inlawlawag na nga iti napalabas a bolan ket nainterview da a chief of police iti intero a rehiyon uno maipanggep kadagiti nagapwanan da saan laeng nga iti operational no di ket uray iti administrative aspect.
Kuna na a saanna nga ammo no apay nga isuna ti napili kas best chief of police iti intero a rehiyon uno gapu ta amin da a nagbabalubal wenno nainominar ket rebbeng na a maipaayan ti nasao a pammadayaw.
Kabayatanna, inbaga ni Lero nga isuna laeng ti innominar ti provincial headquarter makikompetensya iti regional level no sadinno a daytoy met ti napili kas best chief of police iti intero a rehiyon uno.
