LAOAG CITY – Namnamaen ti panagkiddaw ti Poland ti nayun nga assets ti Amerika a maipatulod iti border da iti Ukraine.
Daytoy ket kalpasan a simrek dagiti Russian drones iti airspace ti Poland idi Miyerkules, Setyembre 10.
Iti maysa nga statement, kinumpirmaran ti Poland President a nagsarita dan ken ni US President Donald Trump kalpasan ti incursion ti drones ti Russia.
Karaman kadagiti possible a kiddawen ti Poland iti kaalyado na nga Amerika ket ti deployment ting US Patriot battery iti border.
Immuna iti daytoy, nangideploy manen ti US ti nasao a battery nga adda iti Rzeszow (SHESOW), ti kadakkelan a ciudad iti southeastern Poland ken ti agdama nga agop-operar iti border ket ti asset ti Germany.
Iti agdama ket yur-uray met ti Poland ti ginatang na nga F-35 fighter jets no sadinno nga adda ti uppat ti inisyal a manamnama a sumangpet intono Enero ti sumaruno a tawen.
Kabayatanna, nakasagana ti European Union a mangipataw ti nayun a sanctions package kalpasan ti Russian drone incursion idiay Poland.
