LAOAG CITY – Namnamaen ni Police Brigadier General Joel Sabio Orduña, acting regional director ti PNP Region 1 ti naiget a kooperasyon ti provincial director ken dagiti amin a chief of police iti rehiyon uno.
Daytoy ti inbatad ni Police Colonel Cristal Peralta, ti pannakangiwat ni Orduña.
Kuna na a naiget a tutukan da dagiti nagduduma a krimen, dagiti wanted person ken dagiti iligal nga operasyon.
Mainaig iti daytoy, agsursur ni Orduña tapno bisitaen na dagiti kameng ti PNP iti nagduduma nga ili ken dagiti dua a siudad ditoy probinsya.
Inadmitir na nga adu dagiti paglintegan nga inparuk-at ti national headquarters ngem ti problema da ket iti naan-anay a pannakaiyemplementar dagitoy.
Kabayatanna, maragsakan ni Orduña gapu ta awan unay dagiti pasamak nga adda iti pannakainaig na iti election iti intero a rehiyon uno.
Innayon na a masapul laeng a patas iti panagserbi dagiti pannakabagi ti linteg ken panangipaay ti proteksiyon dagiti umili.
