LAOAG CITY – Ibilang ni Philippine National Police Chief Gen. Rommel Francisco Marbil nga “unforgiving” ti pannakainaig dagiti sumagmamano a kameng ti pulisya iti kontrobersyal a 990-kilo drug raid iti Metro Manila idi 2022.
Kunana a malaksid iti inrakurak ni PBGen. Jean Fajardo a siguraduen a maiserbi ti warrants of arrest kadagiti karaman a pulis, inpettengna ma-dismiss dagitoy iti serbisyo.
Innayon ni Fajardo a well accounted ti 20 nga aktibo a kameng ti pulisya no sadinno a lima 5 ditoy ket nakadestino iti NCRPO, uppat met iti Region 1, dua iti CALABARZON, tallo iti MIMAROPA, maysa iti Central Visayas ken maysa a kameng ti Civil Security Group, agramana ti tallo a kameng ti PNP Headquarters Support Service ken maysa iti Personnel Holding and Accounting Unit.
Kageddan iti daytoy, agtultuloy ti panawagan ti Nailyan a Pulisya iti publiko a suportaran ti gagem da a dalusan ti ahensiada da ken isubli ti panagtalek ti publiko.
