LAOAG CITY – Inpakaamo ni P/Col. Cesar Pasiweng, Provincial Director ti Ilocos Norte Police Provincial Office nga agingga laeng iti Pebrero 19 ti pinagtalinaed na ditoy probinsya.
Daytoy ket gapo ti pannaka re-assign na a kas direktor idiay CALABARZON babaen ti pammilin ti national head quarter iti PNP.
Naamuan a ti kasukat ni Pasiwen ket ni P/Col. Chistopher Abrahano manipud CIDG.
Ti pannakarelibo ni Pasiwen ket paset ti reshuffling ti PNP kalpasan a pormal a nagtugaw ti baro a PNP Chief.
Nasurok met a maysa a tawen a nagserbi ni Pasiwen kas Prov’l Dir. ti PNP ditoy Ilocos Norte.
Kageddan iti daytoy, nagyaman ni Pasiwen kadagiti amin nga opisyal ti gobyerno ken umili iti kooperasyon nga indiaya da kadagiti nagduduma a programa ti PNP bayat ti panagtakem na.
Kuna na a saananto a malipatan dagitoy ken balunen na iti sabali manen a lugar a pakaidestinuan na.
